饕牛記 (Closed)

牛肉牛丸係唔錯，不過旺角區求其一間火鍋店既本地手切肥牛都唔會差得過佢啦。另外侍應九唔搭八，我哋早幾日前訂枱，店方講明6點開始8點前要交枱，咁OK都合理嘅，但四個人去畀兩張兩人枱拍埋叫我哋坐，四個人分兩個爐打邊爐咩，咁訂位嚟做乜。之前睇過評語話啤酒唔凍，原來真係唔凍。個廁所衛生程度慘不忍睹，唔好話用，睇到連個水龍頭都唔想用手掂。埋單每人$280，啲嘢頗貴，普通料，唔會幫襯下次，亦不會推薦畀朋友，完。