之前喺屋企附近間越南餐廳我必定叫雞扒湯檬/金邊粉，因為我本身唔太好豬牛，所以今次都唔例外揀咗燒雞湯檬
呢度嘅檬粉望落似米粉，食落口就滑身；湯底對於我嚟講油咗啲不過幾香，撇咗油之後就覺得問題不大；燒雞啲肉嚡咗少少
男朋友揀咗越南和牛湯河
我眼見入面有牛丸，肥牛同和牛？呢碗我只係試咗少少，覺得好重牛味，應該啱啲鍾意食牛嘅人，我自己就麻麻哋喇
男朋友話牛丸出奇地好食，淋身啲又有牛味，同出面食嘅有分別，佢話5分入面都有4分
另外仲嗌咗個小食 - 軟殼蟹紙米卷
雖然食落唔覺好特別，但起碼唔係乾淨淨，點埋汁就會再好食啲。
整體嚟講都算好食但仍有進步空間，侍應嘅服務態度都好好，環境亦乾淨企理，只係餐廳嘅背景音樂我唔係好識欣賞
