La Postre (厚福街) (Closed)

以前黎厚福街搵食成日都會見到呢間餐廳，今日終於有機會一試😗😗鮮蝦芒果藜麥沙律🥭🥗當係前菜叫咗個小清新沙律，芒果嘅甜再加埋醋汁，酸酸甜甜咁好開胃😌西班牙海鮮濃湯聞落同飲落都好濃龍蝦味，重口味人士應該會好中意！傳統西班牙烤鵪鶉好似係新菜式🤔 見到覺得好得意咁忍唔住叫咗黎試下🙈 難得唔會烤到乾爭爭！西班牙海鮮燉飯叫咗2人份真係大份到嚇親😂，而且有多種海鮮，口感非常豐富，飯入面有再加菇、香腸、蘆筍等，食落仲有飯焦香！荔枝Mojito唔會一味死甜，幾fresh😆 Sangria🍷唔好酒嘅我覺得比想像中易入口，甜甜地咁，不過可以再多啲生果就更好！