大滿喜日本料理 (Closed)

約左朋友一起去食lunch放題，貪多野食揀又可以坐得耐，所以就book左大滿喜。位置都幾近地鐵站係apm隔離就係。 雖然我地係book平日，但平日都幾多人食，個場都差唔多滿晒。一入到去環境都幾乾淨，位置都唔會太逼，幾好坐，而且order都跟得幾好，我地叫左所以野都有黎，無漏單，呢樣真係令人十分滿意。黎到野食，刺身都幾多款，而且都幾新鮮，甜蝦同帶子果然無令人失望。最令人驚喜係泰式生蝦，味道無會太濃同太辣，可以encoure幾次，因為每碟只有兩隻。壽司都有好多唔同款，每款都好吸引，平日放題唔會點食壽司嘅我都食左唔少。炸物、天婦羅同串燒都做得唔差，唔會燒到好乾或者炸到燶晒，好似翠肉瓜咁，咬開面仲有汁，所以都好好食。仲有就係呢度竟然有人參雞湯同魚翅燉湯飲，味道都無差，唔會淡到無味咁，重點入面真係有翅同參，誠意十足。除左平時畫嘅放題紙之外，呢度仲有個拎雪糕/甜品/生果同飲品嘅地方。 雪糕都有幾多款：有崔巢脆皮、韓國雪條、雪米糍... 而飲品我覺得都比其他放題多，除左平時都有嘅汽水、茶類飲品，呢度仲有自家製清酒，可惜我唔飲酒，大家下次黎可以試試。