買左圑購平左小小~我地食早場，五點半左右已經系門口見到人龍排隊，不過好快就可以入到場，估唔到裡面都幾大，食兩個鐘，侍應系我地一坐低後就將好厚一疊MENU俾我地選擇，真系非常多。睇openrice見到人地post d刺身好肥美
，尤其系帶子和三文魚真係好吸引。就魚生而言，佢地既選擇已比普通放題多，而牛油魚系其他放題好少見，所以叫左黎試，口感脆脆地，同樣好好食。仲有生蠔同松葉蟹腳食，我見好多table都有加錢order
，可惜朋友唔食生蠔，所以最後我地加左$38食松葉
蟹腳，頭1, 2 round既蟹腳幾鮮味，但系最後個round無咩蟹味，只系食到雪味。熟食實在太多，我地得兩個人，好多野想試但系實在胃容量有限。我覺得佢地既明太子雞翼同雞骨腸賣相幾吸引而且味道唔錯，芝士焗蠔都好好味，雖然士好多而且蠔唔算大隻，但都食到蠔味。最後當然唔少得movenpick 雪糕，
一人限只一盒，正！！行出門口時我地系抱住個肚走，可能呢個就系放題最大缺點～就系飽死自己！！
1
