Video
Read full review
2012-12-31
70 views
自從旺角食開果間車仔麵執咗後，都有幾年冇食過喇，早半年前睇雜誌、報紙及係老闆之一的小儀(903DJ)係微博介紹過係佐敦廟街開咗間車仔麵鋪。聽說這間麵麵店係佐敦某處已經開了十幾年，因為租金問題經營艱難，最後由阮小儀入股後再搬進現址嘅，更將食物多加特色，唔係普通車仔麵食極都係果幾款噃。因為見過介紹裡面有醉酒雞腎、木耳，我最愛醉酒乜乜物物架啦，真係要搵晚去試吓先，不過都係要等到店子開返咁上下日子，定咗喇先去試吓。當我坐入座已經見到有張貼紙寫住＜最低消費一麵兩餸＞，咁每款餸都$８，麵底有$7/$11，要食至最低消費都唔係冇可能，想食都加飲品仲可以揀麵餐，加$４就可以有杯野飲添。所以友人都揀咗麵餐，而我就叫一麵兩餸喇，多加２個小食，夠食有凸啦。枱上有勁辣菜甫（$22樽）供應，本物對有菜甫供應嘅店子會加分的，今次呢款真係好惹味又夠辣，必食！！是晚我地就叫了２個麵同２款小食。① 醉酒木耳 ($18)② 醉酒雞腎 ($20)③我：車仔麵 (最低消費一麵兩餸)﹣時菜+豬紅+粉絲配清湯 ($23)④友：車仔麵餐(一麵任選四餸)﹣酸齋+蘿蔔+雞翼尖+米粉配薑酒湯 ($34) + 飲品(荳漿) ($4)Tot
聽說這間麵麵店係佐敦某處已經開了十幾年，因為租金問題經營艱難，最後由阮小儀入股後再搬進現址嘅，更將食物多加特色，唔係普通車仔麵食極都係果幾款噃。
因為見過介紹裡面有醉酒雞腎、木耳，我最愛醉酒乜乜物物架啦，真係要搵晚去試吓先，不過都係要等到店子開返咁上下日子，定咗喇先去試吓。
當我坐入座已經見到有張貼紙寫住＜最低消費一麵兩餸＞，咁每款餸都$８，麵底有$7/$11，要食至最低消費都唔係冇可能，想食都加飲品仲可以揀麵餐，加$４就可以有杯野飲添。
所以友人都揀咗麵餐，而我就叫一麵兩餸喇，多加２個小食，夠食有凸啦。
枱上有勁辣菜甫（$22樽）供應，本物對有菜甫供應嘅店子會加分的，今次呢款真係好惹味又夠辣，必食！！
是晚我地就叫了２個麵同２款小食。① 醉酒木耳 ($18)
② 醉酒雞腎 ($20)
③我：車仔麵 (最低消費一麵兩餸)﹣時菜+豬紅+粉絲配清湯 ($23)
④友：車仔麵餐(一麵任選四餸)﹣酸齋+蘿蔔+雞翼尖+米粉配薑酒湯 ($34) + 飲品(荳漿) ($4)
Total: $99
我的﹣因為唔想又食米粉咁普通，所以點了粉絲，時菜就每日唔同，可以問店員有乜野揀，我就揀咗芥蘭，好新鮮，莖粗唔硬唔苦好翠綠，正；豬紅唔腥少少實，幾好；粉絲份量勁多且唔吸湯而變腍，爽口好食喎！！今次揀了清湯，真係幾清，唔咸，與粉絲同食就唔錯喇。
麵餐﹣食咗朋友的酸齋，唔驚喜，不過都做得不唔錯，係有少少脆喎，裡面煙煙韌韌，且唔太酸，就算淨食呢個酸齋都唔錯；蘿蔔就勁腍好入味，正！雞翼尖同米粉不過不失喇。
佢揀咗薑酒湯底，不過我試落酒味同薑味都唔大，唔講都唔知係薑酒湯底添。
荳漿豆味幾重又唔甜夠凍，幾好飲。
鍾意醉酒味重嘅，醉酒系列之木耳同雞腎真係必食！！朋友就略嫌酒味過重，但我就覺得重得來啱啱好，木耳又爽脆，雞腎唔韌又唔腍，咬落又係啱啱好，２款份量又足，好抵食！！
Post
