滿記甜品 (Closed)

好耐都無行過屯市啦 一行先知原來以前元氣隔離既舖位變左滿記！我覺得近年黎 滿記既甜品多左好多選擇 而且都幾貼近年輕化同有種潮流感😉😉而咁岩同朋友食完飯 想搵個位坐下 傾下 睇過餐牌都有我同朋友想食既芭菲 不過好實講大家都知道芭菲一向都唔抵食架啦 只不過又係抹茶又有雪糕 仲有仲有我鐘意既小丸子添呀 而我個朋友個個就係雲尼拿雪糕黎 其實過下口引都唔錯呀 而且又可以影下相都幾靚😂😂😂啱唔啱先所以對芭菲唔洗咁有期望 不過不失 而且食甜品都係為左同朋友見多一陣姐