沙嗲王 (黃金廣場)

Open Now

Now Closed

今次真係好開心呀，因為真係好耐冇食過沙嗲王，成日都好掛住佢個白咖喱豬扒同埋沙嗲牛肉粉絲，但係放工實在太夜啦，好難有機會食到一見到個餐牌小時候嘅回憶即刻返晒嚟，樣樣都好想點嚟食，不過我哋得兩個人，我哋點咗一個1/王者小食拼盤（麻麻哋，下次可以唔使叫），正正常常普普通通，所以下次會點其他嘢食2/一個叉燒豬頸肉（麻麻哋，下次可以唔使叫），我食咗一舊咋，我個friend頂硬上隊晒3/酥皮龍蝦湯（我朋友唔鍾意，我好鍾意），4/白咖喱豬扒飯（必點）5/麻辣醬燒粟米（出奇地好正）6/蒜蓉牛油油雞雞翼（好味喎，係越南嗰種feel）7/兩杯芒果椰汁冰（勁好味，但係有啲飽）我哋八點到步，已經好多人，坐咗張四人枱，都已經預計一陣有機會會搭枱，坐低咗都未叫晒嘢食已經有人搭咗枱了，嗰間舖頭勁多人好好氣氛最後我放棄咗想食好耐嘅沙嗲牛肉粉絲，因為兩個人真係食唔到咁多，下次一定要點返先