呢幾日得十度八度，天氣凍，火鍋店、雞煲、烤魚寧舍受歡迎，平日晚上黎到客人不少，如果冇訂位，都恐怕要等。
店內位置唔多，座位間佈置密麻，牆邊有掛鈎讓客人可以掛起隨身物品，而店員都好眼明手快，遞上圓櫈仔俾我地放手袋。
平日黎食有套餐優惠，麻辣雞煲半隻加手切本地牛頸脊(小)定價$198，如果唔食辣$98可點清湯花甲海蝦煲，夠哂抵食。
部分配料會分為一份/半份，適合人少嘅客人，份量唔洗咁多，又可以試多幾款，彈性較高。除左雞煲，仲有燒烤，好有國內風味。
麻辣雞煲
呢度嘅雞煲比一般食嘅辣，正常點少辣都夠。有別於奇味雞煲，一品、米走雞嗰種，唔係乾身，唔係用醬炒起；而本身已經有湯汁煮住，叫埋配料基本上可以即時淥。
鮮雞半隻，冇雪藏感，唔叫嫩滑，但都啖啖肉，兩個人食份量可以。辣度十足，麻香容易入口，唔會嗆喉，而且冇油膩感。
手切本地牛頸脊(小)
份量唔少啊，所以套餐性價比幾高，牛頸脊較肥牛嫩腍有嚼勁，唔會太薄身，配麻辣一流
飛一般手打蝦滑 $88
裡面有明顯新鮮蝦肉，彈牙爽口，相信都好多人點，中途已經聽到話沽清，我地都好幸運。
不可錯過雲吞皇 $50
雲吞一碟有9粒，唔係超市貨。size唔細，蝦肉比例多，豬肉肥瘦適中，抵deal
凍豆腐 $28
就好似食麻辣鍋要配蜂巢豆腐一樣，食雞煲不能不點。冰凍豆腐磚嘅氣孔超吸汁，好惹味。
油麵根 $28
入口唔會太油，都係吸汁料，口感脹卜卜
雞脾菇 $12
冬瓜片 $12、娃娃菜 $17
隨變粉 $28
個人打邊爐食雞煲必定要點埋澱粉質先夠飽，隨變粉睇落有啲似烏冬加薯粉混合，口感腍啲，冇薯粉咁煙韌，幾好食。
涼拌青瓜 $28
食到咁上下，店員就會送上濕紙巾同tempo，小貼心。
