龍泉冰室 (Closed)

屯馬線開通左， 唔好講 大西北 或者馬鞍山，即使係九龍東出九龍城都方便快捷左。無論 係一家人出去食泰國菜或是食個便飯，都可以更多選擇。今次揀左龍泉，完全貪佢無論菜式定價錢都夠親民，由魚蛋粉到 懷舊扒餐滑蛋丼，到各類炒粉麵飯，都有得選擇， 唔使怕屋企人唔啱食。晚市家常小菜， 各類小炒蒸煮都有， 而且蒸魚都可以mix and match, 豉椒蒸冬菜蒸清蒸, 鯇魚倉魚黃花魚都有， 士多啤梨骨生炒骨蒸肉餅， 又有不同的炒菜，多配搭。套餐跟飯跟湯跟飲品， 最特別的是是日餐湯是苦瓜煲黃豆湯，清涼而帶甘， 連不愛吃苦瓜的人也會覺得易入口。豉椒蒸倉魚少骨啖啖肉，蒸得嫩又唔會柴，而且都大條，唔會食完唔夠喉。簡單用豉汁蒸，是久違了美味的豉汁蒸倉魚。蜜椒薯仔牛柳牛柳粒軟嫰， 薯仔粒粒炸過外脆內軟，醬汁惹味之餘仲好有鑊氣。炒生菜跟餐可以 加配 蒜蓉炒青菜，生菜炒的爽脆！跟餐還有飲品， 不得不提紅豆冰，豆豆多又綿！