二鍋頭 (嘉芙中心)

Open Now

Now Closed

放寛晚市之後陸續約番啲朋友、舊同事出嚟聚會，畢竟幾個月冇見，想搵個地方食耐啲，坐得舒服啲。打邊爐就啱晒，大家都鍾意食，想食啲咩夾啲咩都得😗😗仲要係任食，有啲朋友大食啲嘅，唔使就住價錢🤣朋友揀咗呢間二鍋頭，揀咗一個價錢就任食！仲可以食完雞煲再打邊爐，雞煲我哋揀咗少少辣，辣到適中，因為雞煲越煮會越辣，好好食！食完雞煲，我哋轉做火鍋，選擇了藥膳湯底，，因為諗住雞煲比較重口味，叫一個比較清的湯底可以平衡雞煲的肥膩😎藥膳湯底都唔錯，有好多杞子、和各項藥材，味道嘅食越濃郁。飲品好多選擇，估唔到沙示都有，好懷舊😛😛最平的套餐，係美國肥牛，我哋都夠食，如果想再食好啲既牛，可以選擇牛魔王套餐！出面有甜品櫃，主要都係雪糕雪條。出面有大雪櫃可以自己拎配料！總結一下，餐廳環境乾淨，而且座位之間都有足夠距離，適合傾偈聚會，而且價錢唔貴！雞煲加火鍋任食兩小時$218，每人二百零蚊，食到飽一飽，傾吓計，地點又方便，係一個聚會的好地方！