記得當日11月15日，在<黑暗中對話體驗館> 與一眾食家享受黑暗中對話之餘，又可品嚐美味晚餐！
跟同枱嘅子陵兄傾開上環食肆，佢突然提起 <竺堅焗飯專店> ，問我有無幫襯過？起初，我答：無呀！今年真係無幫襯喎！再想一想，其實我應該好耐無幫襯先啱！:)
睇番 record ，上次幫襯已經大約一年之前！
時間過得好快！令我記起呢間焗飯小店！
卡邦尼海鮮焗飯 $26
等上大約 5 分鐘！依然無加價！:)
原來卡邦尼係白汁！
咸味剛好！亦略帶芝士味！海鮮配料有腍身蟹柳、麻麻地嘅魷魚、一塊炸過嘅魚柳....確實不多！:(
至於，
飯：一年之前食到嘅係蛋汁撈飯，然後攞去焗；今次只有普通白飯！
紅蘿蔔湯
真材實料！味道清甜而且少油！清清地！中和焗飯帶來嘅飽餾感，的確不錯！:)
1
我覺得質素及水準下降咗！相信短期之內，我都唔會再幫襯！:(
