一鳴丼食堂

Open Now

Now Closed

事隔都有一段時間冇食過日本餐廳，今次去左位於大埔嘅一嗚丼食堂，成間鋪頭嘅設計已經好有日本味道，外面就用日式敞門。食物放面，丼飯類就叫左四重火焰盛，由三文魚，帶子，左口魚裙邊同蟹棒組成；面頭有蛋黃，軟綿綿，好香蛋味。輕輕燒過嘅三文魚唔會太乾，鎖住左三文魚嘅香味，食落仲係好滑；帶子口感不錯，唔會好韌或者有腥味。燒物就叫左芝士年糕，年糕軟糯，芝士味好香同年糕味道真係好夾。而小甜薯粒粒清甜，充滿蕃薯香，芝士年糕同小甜薯表面仲淋左糖漿，食落再多左層甜絲絲嘅味道.。壽司就叫左三文魚壽司，味道新鮮，而且都幾厚身；鰻魚壽司，鰻魚燒得夠火侯，醬汁夠味唔會太重味，鰻魚肉質不錯，唔會太諗.飛魚子軍艦，八爪魚壽司夠鮮味。飲品方面，就試左荔枝燒酌梳打，幾香荔枝味，似飲緊帶酒味的荔枝茶。