魚鮮生刺身專門店 (Closed)

約了很久沒見嘅小夥伴吃頓晚飯，年青人大多愛吃日本菜，所以特意選了登龍街這間「魚鮮生刺身專門店」。店面地方不大，只有三張四人方桌同一排面壁檯櫈，不過座位都好幾闊落，而且裝修頗有日本 feel，如果坐滿人嘅話，應該會更有氣氛。後來從店員口中得知，餐廳還設有樓上雅座，不過可能這天我哋嚟得比較早，樓上還沒開放，所以被安排坐在地面嗰層。餐廳主打海鮮丼同定食， 另外亦有小食、刺身、壽司、手卷、卷物、炸物及燒物等供應。我哋點咗本鮪丼 ($288) 同 宮島巨星鰻魚定食 ($168) 各一份，每個丼飯同定食都會附有一客清甜的蜆肉麵豉湯同嫩滑的胡麻豆腐。本鮪丼賣相非常吸引，飯面鋪滿了赤身、中拖羅、大拖羅等。赤身肉質結實有咬口，魚味十足。中拖羅口感亦唔錯，不但脂肪細密，而且食落軟嫩無渣，啖啖鮮味。下面的米飯亦有水準，飯粒圓潤富彈性，加上用醬油煮過，味道濃郁甘香，配入口即溶的大拖羅吃，真係無得輸。至於另一客宮島巨星鰻魚定食亦相當有睇頭，鰻魚原條上，極之厚身，咬下肥美有肉感，加上肉質細嫩，軟腍不散，帶自然的魚油甘香。面頭的醬汁水準亦唔錯，薄薄一層，甜美又帶點蜜味。米飯圓渾有咬口，黏而挺身，配鰻魚一起吃，非常美