丼丼屋 (健威坊) (Closed)

有一日臨返工之前個肚咕嚕咕嚕咁叫，我見仲有時間就叫埋我同事出嚟食個lunch，一時諗唔到食咩好同事就推介喺附近有間大件夾好食既日式丼飯餐廳。原來佢講緊嘅就係丼丼屋。都有一段時間無去食過，咁難得個肚打晒鼓又喺附近，咁點？即刻出發喇！.👅信州味噌燒牛舌丼 配和風汁煮牛舌+果茶 $112一去到發現佢哋近排新出咗個期間限定嘅定食，係由日本輕井澤人氣丼物專門店明治亭引入嘅信州味噌燒牛舌丼，以明治亭獨門配方秘製，加入信州味噌+青唐辛子，喺香港好少見，味道酸甜微辣好開胃，配上煎得微微焦脆嘅厚切牛舌，跟丼飯配搭起上來非常惹味，跟埋一個煮物都係$100鬆少少。.🍚雜錦海鮮丼飯 配甜品+果茶 $88其他午市套餐由$58到$88都有一個主菜，加上飲品甜品，都咪話唔抵。雜錦海鮮丼飯嘅份量令人喜出望外得多，份面頭舖滿三文魚籽、三文魚、甜蝦、吞拿魚、甜蛋，令人元氣滿滿。