當時都覺得好正:)
所以將軍澳店一裝修我就好期待！！
點知好多美食嚟到將軍澳都會變成伏
包括佢
門口裝修係靚嘅！
特別係佢窗口位嘅榻榻米
採光好好
入面都係簡約風格
但由於入面無窗
燈又唔算光
所以入面個感覺灰灰暗暗咁
唔鐘意
好似自修室咁
感覺侷促之餘又唔敢大聲講嘢
因為入面好靜，太文青
另外年輕職員態度普通
企咗喺門口一段時間先有人招呼
反而係一位同呢度格格不入嘅譚仔口音姐姐最好
價錢其實唔算貴嘅
但佢下面嘅小食就性價比唔高
選擇都係大路嘢嚟
咖啡望落present就好靚
但熱咖啡既話
佢隻杯係冇杯柄
杯咖啡熱到不得了
有少少辣親隻手
咁唔貼心嘅杯都有嘅……
真係寧願佢用返loveramics
咖啡味道係有驚喜嘅
但自問我呢個咖啡精
都覺得有少少酸過頭
我叫咗生藥泥牛肉沙拉冷烏龍麵（$98+$5）
佢係套餐嚟
有湯，前菜，甜品同埋主菜
評分：7.5/10先講咗個湯先
個湯就一般其實佢係足料㗎，見到有海帶同埋菇
可惜就好淡味:(
至於個前菜係青瓜老實講我食咗一舊就食唔落去
好大陣青瓜嘅草青味
應該係廚師處理得未夠
甜品係抹茶蕨餅成個餐最好食係佢
夠晒煙煙韌韌！！
抹茶味又唔會太濃
好食
至於個主菜呢Portion就夠，但係整體都係好淡
我成日覺得啲文青舖頭都係整得好淡味
生藥泥又無味
牛肉又冇乜牛味
而且冷還冷
佢又真係凍咗少少…
凍到好似喺雪櫃拎出嚟咁
最好食係入面啲沙律菜同埋烏龍麵
啲菜夠新鮮又夠多
而且個烏龍麵亦都非常之彈牙
但可惜
總之一句講晒就係無味
唔會有想再食嘅感覺
1
男朋友就嗌咗個南蠻唐揚雞定食（$92）
評分：8/10呢個都好食啲嘅
但係雞好似好少
得幾舊
而且唔夠Juicy
出面好多都會比佢更好食
只可以講係唔差囉
但冇話好想再嚟食嘅感覺
男朋友都話普通到唔普通
整體來講
服務一般稱唔上好
環境唔得首先個冷氣好凍
而且呢間餐廳好靜
又灰灰白白咁
好似呢講大聲啲都唔得
去咗圖書館食飯咁
隔離個阿姐講嘢好大聲
成間餐廳都聽到
總之喺呢度食飯個感覺好侷促
可能我去開比較chill嘅餐廳
呢度比我感覺冇再想返嚟食嘅感覺
性價比高咁一個餐$100左右其實都算抵食嘅
可惜食物質素就真係好一般
如果只係為咗打卡
客人只會嚟一次
真係要靠食物質素先可以一直保持
希望店家會喺呢方面進步啦
