好神奇，原來佢本子裏係一間鸚鵡Cafe/餐廳，喺門口已經好多隻唔同品種嘅鸚鵡喺度歡迎緊你，裝修仲好俾心機，有鸚鵡精品corner，亦都有一幅好靚嘅有介紹唔同品種鸚鵡嘅牆，仲要有一個可以俾小朋友煮飯仔嘅兒童corner，設計裝修都好有心思。
好講返食物，我哋星期六去都有set lunch嗌咗一個肉眼扒薯菜，再加一個健康餐三文魚沙律，肉眼扒嗰個性價比好高，百幾蚊已經可以鐵板再加肉眼整得好腍好好食
而依間餐廳亦都有營養師設計嘅健康餐，仲會寫埋卡路里幾多，咁就唔怕食肥啦。順帶一提，特飲我哋嗌咗一杯柚子雜果梳打同埋青檸茉莉茶，都好大杯同整得幾靚㗎。Menu都睇得出整得好有心思，服務態度都唔差㗎，睇得出呢度由大裝修至室內設計都好有誠意，值得一試。
