陸陸雞煲火鍋 (Closed)

老媽子話見天氣凍左，今晚想打邊爐，見佢中意食海鮮，search到依間見幾好評諗住試一試。見到都幾多人，仲諗住有排等，原來係有2層，環境都幾唔錯👍🏻未座低就比佢幅畫吸引左，生動有趣的畫風都幾好feel～一坐低就比左個冰鎮花螺我地試，店員仲講左句，食住先慢慢睇，so窩心。花螺幾乾身，配埋甜豉油食，唔會蓋過左螺肉的鮮味。邊食邊睇都幾盞鬼😏這就是大熱的招牌海鮮套餐👍🏻先黎個雞煲補補佢，雞肉會先炒左再上枱，之後放d配料同芫茜，燘2分鐘，我老媽話食得出用新鮮雞整，煮得幾入味，入口初時有d辣，但奇怪在越食感覺越唔辣。識食一定要食埋雞皮，都幾彈牙。食完雞煲會換煲上龍蝦湯，湯底一d都冇揸樓灘，香味夠濃郁海鮮拼盤，鮑魚係仲識旭嫁，新鮮度十足👍🏻牛肩甲片同豬肉片真係好高質，牛味香濃、豬肉片爽口，絕對抵讚。手打丸👍🏻👍🏻😋彈牙新鮮，淥一淥，吸收哂d湯嘅精華☺️仲有個鬆脆魚皮，食得出係自家炸嘅響鈴，別有一番風味最後有抹茶糯米糍同冰鎮西瓜做甜品，西瓜本身解渴，將西瓜切到細細舊雪到結冰。係打完邊爐之後食，果種feel真係好透心爽🤩對比番服務同食物高質，依個價錢係超值，下次可以搵多幾個朋友黎再食過。