環境: ⭐️⭐️⭐️⭐️⭐️
𥚃𥚃外外拉麵屋嘅裝飾都比恐龍仔、蜥蜴仔、小白熊、炸豬扒等角落生物人物包圍，連細至紙杯、筷子套、牙籤都有角落生物嘅蹤影，彷彿走入夢幻角度嘅拉麵屋，無論影相打卡定係食物都唔錯㗎！ 睇得又食得🫶🏻🎉🎉🎉
食物: ⭐️⭐️⭐️⭐️⭐️
🦐🍜特製白鹽蝦拉麵 $90
白鹽突出了蝦嘅清新鮮味，有大大塊小白熊魚板片真係加分不少，除咗兩隻彈牙靚蝦之外，竟然仲有粟米、豬軟骨、叉燒、半隻溏心蛋、玉子花花，真係好豐富呀～
🍜🥛特製牛奶拉麵 $95
彈牙嘅拉麵加上白色牛奶湯底，淡淡嘅奶味增加了湯底嘅層次，配料非常豐富，有大大塊企鵝仔魚板片、豬軟骨、叉燒、半隻溏心蛋、星星玉子，粟米朔晒牛奶味真係好味
特製白桃烏龍奶茶 $35
面層嘅忌廉超濃郁，加上小白熊棉花糖，仲有心形糖碎嘅點綴，下面嘅烏龍奶茶有白桃香氣，加添一份清新感。
特製荔枝椰果梳打 $35
面層忌廉超滑，加上有氣荔枝梳打，非常清新，特製椰果Q彈
特製栗子紫薯餅 $28
熱辣辣新鮮炸好，紫薯味好出，有少少栗子碎混合一齊，出邊嘅炸衣超香脆，唔會太甜
特製芭菲 $48
必點項目一定係角落生物芭菲，既可愛又療癒。底層有非常軟滑嘅士多啤梨味牛奶奶凍，上層有雲呢拿雪糕，淋上草莓醬和脆米，仲有年輪蛋糕、草莓和藍莓，材料豐富食完非常有幸福感
串燒雞軟骨 $38
加上椒鹽調味嘅雞軟骨，炸得香脆可口，好鍾意呢一味小食👍🏻食完一串接一串
以上需另加一服務費
總結: 呢間拉麵店每次都有唔同嘅卡通主題，既可愛又好味! 每次都非常有驚喜！角落生物限定至2025年11月30日，把握時間去探探佢哋啦！但係記得只有Walk in冇得訂枱㗎！
買聯乘角落生物拉麵碗、或者環保袋送送角落生物鎖匙扣一個，個拉麵碗夠晒大隻拎返屋企煮麵或者飲湯非常正！
惠顧特製拉麵，仲送角落生物folder一個，好可愛💕
1
1
