小甜谷 Dessert Kaffee (Closed)

今日放工同朋友聚舊, 約銅鑼灣最好, 食完有得行街街!小甜谷位置超方便, 就係地鐵附近, 我地約得早, 好彩唔洗等位!呢度地方唔算好大, 但環境都唔錯!台面上已有餐具提供!食物都幾多元化!等陣當然要留肚食甜品!天然開始熱, 飲杯凍飲先!呢杯血橙鮮果特飲$35好fresh, 顏色鮮艷, 有點似fruit punch 味道! 解解渴先!跟住食左個溫泉蛋黑松露卡邦尼意大利面$88 好香口, 一D都唔會好"漏",又夠黑松露味! 且溫泉蛋夠流心!之後再食左個韓式醬咖哩蜜糖BB猪仔肋骨配手製薯條(半份) $68個combination 好豐富, 又韓式醬又咖哩又蜜糖, 但一D都唔奇怪, 甜甜的很香口, 肉質好稔!!!原來是用了慢煮的方式烹調, 唔怪之得咁好食啦! 薯條是手製的, 很新鮮香脆!晚餐加$45 , 可以加埋甜品小甜谷一向出名甜品, 點可以唔試?我點左個朱古力心太軟心太軟切開之後, 朱古力漿已流出來, 非常夠流心!! 朱古力味夠濃, 味道不會太甜, 恰到好處!