吉列牛忌廉烏冬專門店 (彌敦道) (Closed)

記得以前食過ok，今晚突然想再食～夜晚8點，多人，但都唔洗等位嘅，安排坐廚房旁嘅雙人位。餐具放檯櫃桶，但我哋嗰檯無餐具。衝住吉列牛而來嘅我，柯打咗吉列牛定食，結果真係搞唔掂，吉列炸粉唔夠爽身同脆，基本上一擺去燒，啲粉好快就甩晒。牛無牛味，唔算嫩滑。用咗半個鐘囫圇吞棗，食咗大部分就埋單走！蜂蜜菊花茶不過不失，無咩特別。餐廳衞生情況同食物質素都有待改進。