一起果醬 (Closed)

當晚相約友人係美麗華商場行去鋪頭，都要需時15至20分鐘左右。去到餐廳環境勁舒服，而且服務員態度勁好，任問唔嬲，勁之抵讚。當日4個人分別嗌左4個主食1個小食同1個甜品。而佢好多主食都配有一款佢地自家製既果醬，而我好欣賞既係當日既一個慢煮黑毛豬扒配玉桂蘋果汁，豬扒經常容易煮至硬身而失去口感，但今次既豬扒並無呢啲問題，極之容易入口配埋清新既玉桂蘋果汁，十分滿意。其次我地都嗌左安格斯西冷扒配玫瑰蘋果汁，呢個菜式相對味道較濃郁，薯角口感亦都好好。至於黑松露燴飯同軟殼蟹意粉亦到十分出色。不過未知係咪空位問題，每次食完一樣菜式先再會上另一樣菜，就表示有啲奇怪。