放工經過灣仔，見到呢間新開嘅台灣過江龍手搖茶飲店，裝修好靚😍以藍白色為主調💙簡約又有格調。
店内亦有少量座位，行到攰可以坐低休息下。
材料均由台灣直送🇹🇼無添加人工調味劑。主打以自家手工製果凍，有多種特色口味：杏仁凍、豆漿凍、咖啡凍☕️桂花紅棗凍、蜂蜜菊花凍、蝶豆花檸檬凍等等，健康又創新😆
🔸黑芝麻凍撞奶 $48
飲品以牛奶為基底🥛加入黑芝麻凍，入口滑嘟嘟。整體黑芝麻味道特出，淡淡真材實料，飲完好似食完個甜品咁飽肚
茶飲店仲有咖啡、純茶、芝芝奶蓋、鮮奶、拿鐵、奶茶、乾果茶等等🤣下次再嚟要試埋其他味
1
