DANJI

Open Now

Now Closed

最近去咗灣仔日街嘅「Danji」食飯，依間係主打Fusion菜嘅韓式酒吧餐廳，門口裝修風格類似西式小酒館，設有露天窗口座位，個Vibe好Chill。*此餐廳收取加一服務費。Sliced Beef Salad（單點$188），採用牛五花腩片製作，肉質肥瘦相間，牛味濃厚，略嫌肉質較韌，沙律菜包括有紅巴達維亞、紅甜菜、豌豆苗、紫洋蔥、紅蘿蔔、韭菜，味道香辣。Dried Prawn Pancake（單點$168），表面鋪有豌豆苗，韓式煎餅粉漿比例適中，韭菜份量多，食落好香口，略嫌蝦乾份量少，不過味道鹹香，自家製韓式煎餅沾醬內有指天椒、洋蔥、蒜頭、香蔥、黑芝麻、白芝麻、辣椒油、白醋、醬油，味道惹味。Truffle Pollack Egg Roll （單點$128），黑松露味道濃郁，鱈魚籽味道鹹鮮，蛋卷食落好Juicy、蛋香味濃，內有香蔥、紅蘿蔔。糖漬番薯（跟餐$0），表面鋪有黑芝麻、白芝麻，番薯口感軟綿，味道香甜。韓式泡白菜（跟餐$0），口感爽脆，味道酸辣。Korean Strawberry Smoothie（單點$58），採用新鮮韓國草莓製作，飲落好清爽。