一郎 (Closed)

最近去咗尖沙咀依間「一郎」食飯，估唔到佢哋依度居然會有$19餃子放題，因為想試吓依度拉麵，所以都無Join到依個任食Plan。*此餐廳收取加一服務費。黑郎君黑蒜拉麵（單點$98），普通麵條硬度，拉麵口感軟硬適中，黑蒜油湯底飲落好香口，黑蒜片口感香脆，食落好香口，叉燒有3片，肉質嫩滑，肉味濃厚，配料包括有溫泉蛋、筍乾、紫菜、木耳、蜜糖豆、香蔥。赤郎君激辛拉麵（單點$98），硬身麵條硬度，拉麵口感煙韌，辛辣湯底辣度6分，不算太辣，配料包括有溫泉蛋、筍乾、紫菜、木耳、蜜糖豆、京蔥、辣椒絲。溫泉蛋冷豆腐（單點$38），表面鋪滿木魚，豆腐配以溫泉蛋、醬油食用，口感更加滑溜，食落蛋香味濃。4隻羽根餃子（單點$32），餃子外皮口感薄脆，餡料中豬肉、蔬菜比例適中，配以餃子汁食用，味道更佳。靜岡蜜瓜梳打（單點$26），略嫌太藥水味，之前飲過依個品牌嘅其他口味梳打都好味，所以有少少失望。抹茶可樂（單點$26），名不符實，飲落不論抹茶，還是可樂嘅味道都近乎無，不過飲落好清爽。一郎尖沙咀分店地址：尖沙咀漢口道19-21號漢宜大廈地下L號舖電話：21171745