尚上下夏 - 養生雞煲火鍋 (Closed)

天氣一時陰涼，食雞煲暖下身先，最近揀左去尖沙咀嗰間「尚上下夏」嚐鮮一下先！大份雞脾併雞胸雞煲，啖啖肉，唔駛拆皮、拆骨，啱曬我依D怕麻煩嘅人。味道揀中辣程度都已經幾惹味；大量嘅豬皮同洋蔥都炒得好香、好入味。瑤柱群翅雞湯，瑤柱乾、群翅都落得足料，所以湯底滾得好香，而且當中嘅雞湯、雞煲撞上，所以湯底味道非常濃厚、有雙重嘅雞味。龍蝦湯，味道比較上係清淡，但有浸浸鮮甜味道。手切頂級安格斯（小），牛肉口感鮮嫩。黑牛柏葉，口感非常爽口。蝦膠釀鮮冬菇，喺大隻、厚實嘅冬菇內釀上爽口、彈牙嘅蝦膠，味道好鮮香。四寶丸，各款丸類都好彈牙、足料，喺其他餐廳都無見過有依款獨特火鍋食材。韮菜豬肉餃，韮菜、豬肉比例好，兩者唔會掩蓋相互嘅味道，而且皮薄餡靚、好抵食。薯仔片、唐生菜，好新鮮，口感好爽脆。稻庭烏冬、四川苕粉，兩者口感Q彈、煙韌。涼拌酸辣雲耳，味道酸辣、惹味，雲耳口感爽脆。洛神花1渣，味道酸酸甜甜，飲落好清爽。