NIKUSA肉佐

最近去咗呢間新開嘅日式放題餐廳🍴, 佢哋主打任食壽喜燒, 分咗 5個Levels, 而我哋就揀咗最豐富嘅Level 5套餐 ($598), 一次過可以食到115品！湯底選擇有5款, 包括有關東壽喜燒、鰹魚昆布湯、美人鍋、麻辣鍋、蕃茄鍋。

🥩嚴選山形縣產高級藏王和牛 - 肉質鮮嫩, 雪花分布均勻, 好好食🤤！
🥢刺身 - 包括有帆立貝、季節魚、三文魚等等, 款款都幾新鮮, 又肥美

每位加送壽司拼盤, 有大拖羅/中拖羅、赤身、油甘魚、鯛魚、炙燒和牛、三文魚腩, 真係大滿足！每4位客人仲會獲贈一份新鮮嘅原隻龍蝦刺身🦞, 肉質鮮甜彈牙！

每位加$100可以食埋A5霜降黑毛和牛🥩, 蘸上蛋漿更加滑溜, 有入口即溶嘅口感！惹味壽喜燒湯底, 真係非常滋味😋！

甜品方面, 每人會有一份日式疏乎厘班戟🥞, 仲有百味堂雪糕可以自己任食🍨, 我都忍唔住食咗兩杯！