榴槤質感非常奶滑，但食起黎又唔會太散太淋，榴槤味適中，雖然唔係Tier 1質素，但以放題黎講，已經遠超期望值。
鵝肝多士: 任食鵝肝唔係間間放題都有，加上咁大件嘅鐵板鵝肝，就算五星級酒店Buffet都未必Offer到，鵝肝香滑唔乾，含非常豐富油脂，香而不膩，多士香脆，非常香口惹味。
燒白鱔: 自行燒至皮肉香脆，加上鰻魚醬汁，味道香甜而鮮味，而且肉質十分爽滑彈牙，一食就知好新鮮。
蒜蓉牛油帆立貝: 帆立貝肥美厚肉，每邊燒兩分零鐘唔洗太熟，肉質滑嫩，帶濃郁牛油及蒜香。
牛肉選項有澳洲和牛M7牛板腱、荔枝牛板腱串、精修牛舌芯、醬汁羊蔥牛肉、醬汁特選美國牛五花、美國安格斯封門柳: 當中美國安格斯封門柳及牛舌芯比較出色，封門柳厚切，真係一件件嘅牛柳，而並非一片片嘅薄牛肉，其肉質非常幼嫩，富肉汁，牛味亦好濃郁，算係今晚最出色嘅肉類；牛舌芯厚薄適中，肉質爽滑有嚼勁，肉味亦重。
豚肉及雞肉嘅選項都唔少，但由於本人為牛魔王，基本都無特別食豬及雞；飲品方面居然連Somersby蘋果酒都有，甜品有Haagen Dazs雪糕、豆腐/檸檬雪葩等等。
