喜聚燒 (Closed)

尖沙咀真係有好多不同種類的餐廳，今晚朋友帶我嚟到這間新開的串燒店試試。餐廳有他們獨創的麻辣烏雞，不過朋友今晚不想吃雞，所以就試了另一款菜式。麻辣三兄弟，這款小菜有陳皮魚蛋、鴨血和魷魚，估唔到個醬汁非常惹味，麻麻辣辣，魚蛋爽彈，魷魚亦好爽身，估唔到會食到停唔到口。燒蟶子皇，蟶子好大隻，味道鮮甜爽口，用上蒜蓉調味，味道更鮮味。味醂燒魚乾，魚乾燒到有點脆口，上面塗滿味醂汁，食落味道甜甜的，再點上沙律醬，味道更惹味。蒜蓉焗金菇，金菇有滿滿的牛油味，而且還有淡淡的蒜蓉味，熱辣辣食唔錯。自家製冰糖雪耳雪梨水，雪梨水味道甜甜的，入面有雪耳同雪梨肉，飲落潤口又解辣。仲有青檸梳打，味道酸味味，夠哂開胃。