芝加哥串燒酒場 (太和中心)

Open Now

Now Closed

上個星期同朋友放工後嚟咗太和呢間芝加哥串燒酒場食串燒飲番杯放鬆吓。新界區飲酒食串燒嘅好地方唔多，呢一間都幾受歡迎，即使係平日都有唔少客人。環境燈光比較昏暗，營造出飲酒嘅mood。睇睇佢個Menu，選擇都好多，我同朋友揀咗好耐。串燒最好嘅地方就係每樣份量都唔多，可以多叫唔同款式，我哋當然係叫到成枱都係嘢食。淨係睇嘢飲嘅Menu都睇到我哋眼花撩亂，選擇真係好多啊！我叫咗杯royal Hawaiian ，而朋友就叫咗杯Rainbow，我個杯味道好Fresh，有pineapple嘅香氣，朋友個杯就比較偏甜，顏色鮮艷。講到串燒方面，真係樣樣都好好食！無論係扇貝、雞泡魚、玉子燒、甜薯、紫菜年糕、帶子、雞髀肉、鰻魚串、蜜汁燒豬扒、燒菠蘿定蘆筍都好好食！放開肚皮不斷食，最後埋單兩個八百幾蚊，大滿足！