Video
Read full review
2018-06-26
36 views
以往食串燒都會出去旺角，但最近發現原來太和附近都有一間食串燒係唔錯既，於是就同朋友一齊去試下順便大家傾下近況。呢間食串燒既小店由太和火車站行過去大約十分鐘都唔駛，其實都幾方便，店內大約可坐12人，店外都有一張四人檯，雖然店舖細細，但反而坐得輕鬆，因為我唔係咁鍾意人多太嘈既地方。order紙都幾多選擇，價錢大約都係十幾蚊，食好少少既話都係廿令三十蚊，個價錢都算幾親民。食串燒當然要飲酒啦! 一路吹水一路飲酒一路食串燒真係好正!鹽燒鯖魚($29): 呢個好好食，尤其是配埋個汁，唔會膩，而且燒得好香招牌茄子燒($30): 原條茄子好大條，放喺鐵板上面，而且放左好多蒜蓉同蔥花喺面，好好味蘆筍燒($28): 呢隻蘆筍係比較幼身，會比較淋身，我就麻麻地鍾意香草芝士焗雜菌($33): 好香，不過較淡味，我覺得可以再濃味啲一口和牛串($43): 本身覺得呢串有啲貴，但見佢係和牛就叫左一串黎試下，牛味又幾濃喎，配埋大葱一齊食唔會油膩燒牛油帆立貝 ($32): 帆立貝都幾大粒，啖啖肉，但如果多啲汁會好啲; 鹽燒牛舌($29): 好好味，牛舌爽口彈牙，啖啖肉，脆身帶有少少咸味; 一口雪花牛肉串($24): 肉
呢間食串燒既小店由太和火車站行過去大約十分鐘都唔駛，其實都幾方便，店內大約可坐12人，店外都有一張四人檯，雖然店舖細細，但反而坐得輕鬆，因為我唔係咁鍾意人多太嘈既地方。
order紙都幾多選擇，價錢大約都係十幾蚊，食好少少既話都係廿令三十蚊，個價錢都算幾親民。
食串燒當然要飲酒啦! 一路吹水一路飲酒一路食串燒真係好正!
鹽燒鯖魚($29): 呢個好好食，尤其是配埋個汁，唔會膩，而且燒得好香
招牌茄子燒($30): 原條茄子好大條，放喺鐵板上面，而且放左好多蒜蓉同蔥花喺面，好好味
蘆筍燒($28): 呢隻蘆筍係比較幼身，會比較淋身，我就麻麻地鍾意
香草芝士焗雜菌($33): 好香，不過較淡味，我覺得可以再濃味啲
一口和牛串($43): 本身覺得呢串有啲貴，但見佢係和牛就叫左一串黎試下，牛味又幾濃喎，配埋大葱一齊食唔會油膩
燒牛油帆立貝 ($32): 帆立貝都幾大粒，啖啖肉，但如果多啲汁會好啲; 鹽燒牛舌($29): 好好味，牛舌爽口彈牙，啖啖肉，脆身帶有少少咸味;
一口雪花牛肉串($24): 肉質夠淋而且都有肉味，唔會燒到好乾，食落口仲有肉汁，唔錯;
烤魷魚 ($20): 食呢個應該要配啤酒，因為有咬口;
香蔥燒半殼扇貝 ( $39兩隻): 扇貝成粒放落口，好正好肥美，仲有我至愛既蔥再飲埋啲汁，啲汁好鮮甜芝士燒廣島蠔 ($25): 兩隻廣島蠔都幾大隻，肉質好肥美飽滿，而且蠔味濃同多汁，上面加埋一層薄薄既芝士，味道好夾，我連側邊啲芝士同蠔汁都唔放過，因為個汁係好鮮甜
蒜香芝士燒虎蝦 ($48兩隻): 虎蝦都幾大隻，燒到好香口，肉質都算彈牙，配埋芝士同蒜蓉又係好好味
燒羊架 ($33): 羊架多肉而且肉質好嫩滑，好有羊味而且好香，配埋黃芥末又係正，但建議黃芥末可以俾少啲，因為只會點少少，食唔晒會有啲浪費
整體黎講味道真係唔錯，而且又唔貴，仲可以揀辣或唔辣，另外仲有一樽辣粉俾你自己再加，而且啲野食都唔會等太耐，短期內我應該會再encore。
Post
