Video
Read full review
2021-03-07
49 views
用心就會發現大角咀有好多特色餐廳，而呢間開咗無耐嘅餐廳就最為吸引我，約三五知己邊吃串燒邊摸酒杯底傾計就最開心啦！一嚟朋友點咗個Welcome drink讓我地清新一下迎接以下不同美味嘅菜式。Open your mouth係用咗柚子酒、燒酎及薑汁做base，仲有柚子酒味啫喱，飲落好清新又易入口。飲酒當然唔少得佐酒小食，先點咗粟米脆片，配嘅醬都相當有特色、唔馬虎，4款醬有墨西哥莎莎酸辣番茄醬、墨西哥莎莎青醬、酸忌廉燒烤醬及酸忌廉牛油果醬。我就最鍾意酸忌廉牛油果醬啦！之後就進行主食部分。燒雞份量都幾大，當然要食雞脾位，整得剛剛好內裡雞肉好嫩又多汁。另外仲點咗西班牙乳豬，皮真係好脆好香口，而肉質亦保持到嫩口啊！除咗讓人流口水嘅食物，當然要試下佢地嘅Signature cocktail，幾款中我就揀咗有elderflower syrup嘅Ka Shin Street，仲帶果味好啱我飲！雞嘅串燒款式相當多，分別食咗雞翼尖、雞胸軟骨、雞頸肉、雞皮，每款都唔錯，而最過癮就係雞胸軟骨咬埋軟骨好脆口。雞翼尖同雞皮仲好送酒啊！免治雞肉棒嘅醬汁調得好好，好入味，而食落不失口感，蘸埋月見汁更滑溜。其中燒粟米超對
一嚟朋友點咗個Welcome drink讓我地清新一下迎接以下不同美味嘅菜式。
Open your mouth係用咗柚子酒、燒酎及薑汁做base，仲有柚子酒味啫喱，飲落好清新又易入口。飲酒當然唔少得佐酒小食，先點咗粟米脆片，配嘅醬都相當有特色、唔馬虎，4款醬有墨西哥莎莎酸辣番茄醬、墨西哥莎莎青醬、酸忌廉燒烤醬及酸忌廉牛油果醬。
我就最鍾意酸忌廉牛油果醬啦！之後就進行主食部分。
燒雞份量都幾大，當然要食雞脾位，整得剛剛好內裡雞肉好嫩又多汁。
另外仲點咗西班牙乳豬，皮真係好脆好香口，而肉質亦保持到嫩口啊！
除咗讓人流口水嘅食物，當然要試下佢地嘅Signature cocktail，幾款中我就揀咗有elderflower syrup嘅Ka Shin Street，仲帶果味好啱我飲！
雞嘅串燒款式相當多，分別食咗雞翼尖、雞胸軟骨、雞頸肉、雞皮，每款都唔錯，而最過癮就係雞胸軟骨咬埋軟骨好脆口。
雞翼尖同雞皮仲好送酒啊！免治雞肉棒嘅醬汁調得好好，好入味，而食落不失口感，蘸埋月見汁更滑溜。
其中燒粟米超對我胃口，粟米咬落粒粒飽滿仲有汁，可見師傅燒嘅功力真的好啊！
面頭仲有啲千島醬，一食就覺得配搭得好好，雖然好邪惡但反而愈食愈想食啊！最誘人畫面必定數到呢個1公斤嘅帶骨肉眼扒，比起iphone max都要大好多，我地四人分享就剛剛好啦！
牛魔王嘅我地當然為其瘋狂，特別鍾意面層同旁邊嘅焦脆位，連埋肉食就有兩重口感，焦脆及肉汁交錯好正啊！最後不忘點上一客甜品，為生日嘅友人帶來驚喜。
蘋果金寶係呢度嘅特色甜品，個樣好似平平無奇但卻蘊藏讓人感動嘅味道，溫熱嘅蘋果金寶配上雪糕，冷熱交融，玉桂味相當突出。
除咗脆脆部分外，仲有蛋糕層次好豐富，十分適合作慶生之用啊！要大讚店方備有生日牌，更添氣氛呢！
Post
