安安燒 (染布房街) (Closed)

餐牌有海鮮、肉類、蔬菜瓜果等等, 仲有必試推介, 串燒選擇好多呢! 雖然今次買咗串燒外賣返屋企食, 但係因為佢個包裝夠保溫, 所以返到去仲食到暖嘅串燒~水菓牛肋骨 - 牛肉味濃, 燒得啱啱好, 仍留有肉汁, 一啲都唔乾身! 🍠燒一口甜薯 - 外皮燒至乾身, 內裡係軟綿嘅甜薯, 好香甜呢! 白汁芝士煙肉碎烤大蘑菇 - 大蘑菇上佈滿邪惡嘅半溶芝士🧀, 加上煙肉碎🥓, 非常juicy! 玉子燒 - 蛋味好香!秘製醬燒雞中翼 - 醃醬好香好入味😋!蒜蓉燒扇貝 - 扇貝上加咗大量蒜蓉、蔥花、辣椒絲, 入口有好香嘅蒜味🧄。燒扇貝大大粒, 咬落新鮮多汁, 肉質爽彈。🦪芝士蒜蓉燒生蠔 - 生蠔肥嫩新鮮,佐以香濃芝士同蒜蓉, 口感濃郁又鮮美。