Video
Read full review
2018-07-02
40 views
約左好朋友銅鑼灣食飯, 呢邊朋友熟D, 所以食咩佢話事.佢話呢間日本野新開食試下, 入到黎好有日本居酒屋風格, 感覺好舒服, 暗暗地啱晒傾偈.先黎個刺身盛, 帶子, 赤蝦都好彈牙爽口, 三文魚, 油甘魚入口軟腍, 魚脂豐富, 最吸睛既當然係海膽, 顏色有光澤, 一入口即有流入喉嚨既感覺, 好滑溜鮮甜, 整體各款刺身都好新鮮.另外呢度既串燒主要以豬為主, 種類亦好多, 肝呀, 心呀, 腰呀咩都有, 同響日本食既一樣.呢款豬顎骨肉串, 外表燒到剛剛好, 特別香口, 燒完既肉質完全唔韌, 好軟嫩.豬生腸串, 生腸多數食鹵味, 燒既真係第一次食, 燒到外面脆卜卜, 送酒一流. 生腸唔會好韌, 好爽口.年糕豬肉串, 豬肉好嫩滑, 年糕煙韌, 兩者加埋口感豐富, 豬肉既肉汁充滿成個口腔, 所以配埋年糕都唔會太乾, 剛剛好.串燒係即燒, 但都唔算等好耐, 可以慢慢食慢慢傾.
佢話呢間日本野新開食試下, 入到黎好有日本居酒屋風格, 感覺好舒服, 暗暗地啱晒傾偈.
先黎個刺身盛, 帶子, 赤蝦都好彈牙爽口, 三文魚, 油甘魚入口軟腍, 魚脂豐富, 最吸睛既當然係海膽, 顏色有光澤, 一入口即有流入喉嚨既感覺, 好滑溜鮮甜, 整體各款刺身都好新鮮.
另外呢度既串燒主要以豬為主, 種類亦好多, 肝呀, 心呀, 腰呀咩都有, 同響日本食既一樣.呢款豬顎骨肉串, 外表燒到剛剛好, 特別香口, 燒完既肉質完全唔韌, 好軟嫩.
豬生腸串, 生腸多數食鹵味, 燒既真係第一次食, 燒到外面脆卜卜, 送酒一流. 生腸唔會好韌, 好爽口.
年糕豬肉串, 豬肉好嫩滑, 年糕煙韌, 兩者加埋口感豐富, 豬肉既肉汁充滿成個口腔, 所以配埋年糕都唔會太乾, 剛剛好.
串燒係即燒, 但都唔算等好耐, 可以慢慢食慢慢傾.
Post
