必點 #浜燒活北寄貝🦪
$58有兩大隻，新鮮度爆燈，燒完依然保持鮮甜多汁，貝肉彈牙，絕對係全場MVP！
#牛舌拖羅 同#牛舌芯
都係驚喜之作🐮，拖羅部位油脂豐腴，入口即化
牛舌芯爽脆彈牙，簡單鹽燒已經帶出濃郁牛香～
內臟類串燒處理得相當出色
#雞心 同 #三黄雞氣管
燒得恰到好處🐔，雞心嫩滑唔韌，雞氣管脆口帶嚼勁，配上秘製汁燒醬，風味十足！
#雞皮墨魚滑
創意滿分🦑，脆脆雞皮包裹彈牙墨魚滑，雙重口感超正～
海鮮類同樣高質!
#蒜蓉燒日本廣島蠔
肥美飽滿🧄
#欖角蒜蓉燒蟶子
鮮甜爽嫩
#蒜香牛油酒煮蜆
酒香濃郁，蜆肉大隻無沙～
最抵係Sapporo生啤買一送一🍻，冰凍啤酒配熱辣辣串燒，簡直係完美組合！
