串得喜 (Closed)

朋友知我鍾意食雞煲、串燒和烤蠔，專登帶左我到土瓜灣呢間小店<串得喜>食好西，呢度啲食物真係幾有水準，而且價錢仲好親民～天氣涼涼地，首先食個雞煲暖暖胃，未食已經聞到麻香撲鼻，小辣味道啱啱好，雞肉肉質結實，又滑又入味，而且半隻雞份量都好夠食～黃金燒魷魚筒好彈牙～ 仲有黃金炸魚皮，入口超級鬆化，而且好香咸蛋黃味，極級享受！必點蒜蓉烤蠔，即叫即整，新鮮熱辣，加上曬上了大量蒜蓉，十分惹味～串燒都好精彩呀！我地點左雞腎串、烤羊肉串和烤金菇牛肉卷，好香孜然味，而且唔會乾身～叫左兩罐汽水，今餐加埋都只係五百蚊，好抵食，朋友真係冇介紹錯呀！