今次同大家分享一個喺尖沙咀嘅好地方，就係呢間「人生有限杯串燒站」啦！🍢
呢度嘅交通都好方便，喺尖沙咀港鐵站行過去都係幾分鐘路程，對於我哋呢啲師奶嚟講，食完飯搭車返屋企都唔使點行，真係一流。
呢間舖頭嘅串燒選擇超多，我同老公兩個人就叫咗一大堆想試嘅嘢！
首先要講呢個鹽燒西班牙五花腩，燒到外皮好香脆，但肉質又唔會乾，肥瘦均勻，食落口油香四溢，真係好惹味！
另一款味噌松板豬都好出色，味噌嘅甜味同豬肉嘅鮮味好夾，口感爽脆，好有驚喜。
海鮮類嘅泰式燒墨魚鬚都唔錯，燒得啱啱好，口感彈牙，配上泰式醬汁，酸酸辣辣咁好開胃。
蔬菜方面，我哋叫咗蒜蓉菜莆燒茄子，茄子燒到好軟綿，配埋蒜蓉同菜脯，味道好香濃，微辣嘅口感更加分！
佢哋仲有好多特別嘅串燒，好似豚肉荔枝卷、豚肉秋葵卷同豚肉牛油果卷，每款都好有創意！
最特別嘅係墨魚滑，佢哋將墨魚滑釀入紫菜同大蝦入面燒，鮮味十足，口感又豐富。
1
最後一定要食甜品啦！我哋點咗蜜糖多士夾雪糕，多士燒到金黃香脆，配上冰涼嘅雪糕，一冷一熱，口感超正！
再叫埋兩杯荔枝檸檬梳打同桔仔薄荷梳打，清新解膩，真係為呢餐豐盛嘅晚餐畫上完美句號。
雖然價格比普通快餐店貴，但食到咁多高質素嘅串燒，我覺得性價比都幾高㗎，值得㗎！👍
