許願樹美食 (Closed)

夜晚同男朋友食串燒，揀咗呢間許願樹美食。.拎住點餐紙剔剔下就叫咗好多款串燒😛。推介燒牛脷，咬落彈牙但唔韌，仲好多汁。燒雞皮超級邪惡，表面香脆，但仲保留咗少少雞皮嘅脂肪，配埋麻辣味，超級惹味☺️。燒脆鯇都係比較驚喜嘅選擇，冇諗過脆鯇都可以做串燒。面到嘅調味料甜甜辣辣，脆鯇食落一啲都唔腥。.最近一個月食咗好多次鵝肝，喺度見到又想試。雖然冇腥味，但燒得太耐，乾咗少少😣。.我哋仲試咗新出嘅海鮮炒飯。點紅點綠，賣相甚佳。裏面有超多蟹膏同埋蟹肉，啖啖鮮味。而且啲飯粒粒分明，炒得又夠鑊氣😍。.🍗許願樹美食深水埗福華街182號怡華閣地下C 號舖