博居酒屋

Open Now

Now Closed

🔖呢到附近好多酒吧🍺而呢間居酒屋新開無耐，主打串燒。座位分bar枱，大約有10個座位到，另外仲有兩張大枱。串燒有散叫，亦有Set選擇，叫左兩個Set食。「雛菊+寒梅」，大約有7款串燒，再加一個燒飯團🍙。如果個set有甜品就好了🥹師傅燒得好快手，上一串都未品嘗完，下一串就到⋯想慢慢食但又怕串燒凍左無咁好食，搞到好似有少少急😆🍽香蔥牛燒：好重牛味 勁多肉汁🍽粟米牛油燒：白色粟米 超超超甜🍽阿波美雞翼：表皮脆卜卜 juicy🍽豬肉蘆筍卷：豬肉油香+爽甜蘆筍好食🍽燒白鱔：魚皮脆卜卜 肉質唔錯🍽燒鵝肝：好肥味 🍽燒雞肉大蔥串：雞肉滑 配甜甜燒汁🍽燒飯團：燒到有焦香味 外面夠乾以上食物都覺得特別好食😋師傅既調味足夠，而且食物本身既質素都高。💡整體黎講，環境舒適，睇住師傅燒有食omakase既感覺，食物一燒完即上，夠哂熱。價錢都係個句，燒物不嬲都貴⋯仲要食勁多串都係唔夠飽。但食過幾間燒物黎講，呢間都算質素較高。