旺旺串串馬來串燒專門店 (Closed)

是日約左朋友一齊去荃灣食飯, 好耐都無嚟過荃灣啦, 係大河道一落車 轉入見到有條叫 "士林食街", 幾時有條咁o既食街ka? 真係唔知wo~~~ 係飯前嚟串串應該都無問題啩
朋友叫左 串雞腎, 燒左幾分鐘到, 入口唔韌, 加埋d 蜜味燒汁, 好juice 喎~

雞腎串燒 + 蜜味照燒汁

我就叫左串豬頸肉, 係老闆推介, 我選了孜然粉~ 一口落無諗過豬頸肉都可以咁爽口, 另外個孜然粉... 好好味, 唔似係普通孜然粉, 問下老闆啦, 佢話係佢秘制wo... 真係估佢唔到咁好食~  唔太辣得嚟真係好香~~ 

豬頸肉 + 燒烤孜然

雖然係店細細, 第一次見小店都會咁好將D生食物一件件咁包住, 好著重衛生wo讚!!

1

全部都用保鮮紙分類包好, 絕對衛生

價錢方面唔算好貴, 絕對街坊價~~

價錢公道, 第一次見司華力腸賣$10咋~~ 抵!

主理廚師 原來係個大廚, 調較醬汁確有一手~

因為時間關係 & 肚仔空間有限, 下次再嚟試埋其他先~ 推啊!!!