一鳴燒 (Closed)

今日同朋友係銅鑼灣食宵夜傾下計，揀左呢間食串燒嘅餐廳。10點去到估唔到都幾多人，我地2個人都安排4人枱比我地坐，所以都坐得幾舒適！唔係好肚餓，所以只係叫左啲小食同串燒。首先係汁煮鮑魚，有兩隻岩岩好一人一隻，鮑魚係凍嘅，煮得好淋，個汁甜甜地，好開胃！仲有中間醃製過嘅蘿蔔，味道都唔錯！串燒必點嘅燒牛舌，口感彈牙有咬口，但唔會好韌，好味！餃子雞翼唔好比張相呃左，佢只係將兩隻雞翼剪開擺碟，唔係有四隻啊！雞軟骨就無乜特別，不過送酒一流！芝士年糕完全滿足到我呢個煙韌控，芝士仲要流心，正！