Video
Read full review
2022-11-15
659 views
.朋友話呢間既串燒唔錯，今日帶媽咪黎試下😋入到餐廳見到牆身畫左可愛既卡通同日系建築物，枱凳以深木色為主，好有去日本居酒屋既感覺。我地叫左啲串燒同一個鍋物share，食到好飽好滿足😋芝麻蝦多士(配威士忌汁）蝦餅肉厚而彈牙，多士較薄身，沾滿黑白芝麻，炸得好脆好香，並不油膩，配上威士忌汁有少少酒香味，好食👍🏼👍🏼👍🏼和風辛味軟殼蟹(配辣蟹籽醬）比較香口同辣，軟殼蟹炸得酥脆，一人一半食岩岩好，本身軟殼蟹上已灑有七味粉，再點辣蟹籽醬食辣味會更濃厚😋鹽燒三文魚腩煎得外脆内軟，外面鹽燒過，咸度岩岩好，三文魚腩油脂豐富，點上附有既醬汁，味道會更可口。豚肉壽喜燒鍋 (配烏冬)本來配白飯，但我覺得配烏冬會更搭。壽喜燒鍋湯底香甜，豚肉片同配菜都索哂湯既味道，食落好入味，兩個人share岩岩好。北海道帶子原隻大粒帶子，外面炸得脆卜卜入面保持嫩腍，加上木魚同蛋黃醬一齊食更好食。雞軟骨小丸子串似雞肉球，食落軟腍，燒汁好濃厚。雞軟骨串食落有嚼勁但唔覺硬同難咬，仲有啲雞肉，燒得好香，有啲七味粉、孜然味道，幾好食！M3和牛大蔥串和牛肉質嫩腍，燒過既大蔥特別香口。茘枝煙肉卷煙肉包住荔枝肉，食落咸咸地甜甜地，夠特別。飲品叫
朋友話呢間既串燒唔錯，今日帶媽咪黎試下😋入到餐廳見到牆身畫左可愛既卡通同日系建築物，枱凳以深木色為主，好有去日本居酒屋既感覺。我地叫左啲串燒同一個鍋物share，食到好飽好滿足😋
芝麻蝦多士(配威士忌汁）
蝦餅肉厚而彈牙，多士較薄身，沾滿黑白芝麻，炸得好脆好香，並不油膩，配上威士忌汁有少少酒香味，好食👍🏼👍🏼👍🏼
3 views
0 likes
0 comments
和風辛味軟殼蟹(配辣蟹籽醬）
比較香口同辣，軟殼蟹炸得酥脆，一人一半食岩岩好，本身軟殼蟹上已灑有七味粉，再點辣蟹籽醬食辣味會更濃厚😋
4 views
0 likes
0 comments
鹽燒三文魚腩
煎得外脆内軟，外面鹽燒過，咸度岩岩好，三文魚腩油脂豐富，點上附有既醬汁，味道會更可口。
4 views
0 likes
0 comments
豚肉壽喜燒鍋 (配烏冬)
本來配白飯，但我覺得配烏冬會更搭。壽喜燒鍋湯底香甜，豚肉片同配菜都索哂湯既味道，食落好入味，兩個人share岩岩好。
1 views
0 likes
0 comments
北海道帶子
原隻大粒帶子，外面炸得脆卜卜入面保持嫩腍，加上木魚同蛋黃醬一齊食更好食。
雞軟骨小丸子串
似雞肉球，食落軟腍，燒汁好濃厚。
1 views
0 likes
0 comments
雞軟骨串
食落有嚼勁但唔覺硬同難咬，仲有啲雞肉，燒得好香，有啲七味粉、孜然味道，幾好食！
M3和牛大蔥串
和牛肉質嫩腍，燒過既大蔥特別香口。
1 views
0 likes
0 comments
茘枝煙肉卷
煙肉包住荔枝肉，食落咸咸地甜甜地，夠特別。
2 views
0 likes
0 comments
飲品叫左檸檬梳打同水蜜桃紅茶，有得走冰，味道正常。
5 views
0 likes
0 comments
整體黎講串燒、鍋物、炸物都幾好食，埋單每人唔洗$200，食得好飽，性價比高。店員服務好好同有禮，店內環境又舒服。
Post
