安安燒 (染布房街) (Closed)

男朋友好鐘意食串燒，今晚佢帶左我去旺角食串燒，餐廳「安安燒」與旁邊「烏龍燒」是同一個集團，同一個廚房燒串燒。早早之前同男朋友去過一次烏龍燒食飯，今晚再來回味一次。男朋友負責落單，我地叫左幾串串燒試下。燒芝士飯糰、惹味鰻魚汁三重芝士撈丁、燒娃娃菜、燒露筍、香燒豆皮、脆脆蜜燒響鈴卷、蒜蓉燒帶子、烤餃子雞翼、沙爹豬頸肉。男朋友最愛豬頸肉，香嫩爽口，油香肥美，完全唔會乾身。帶子香嫩鮮甜，無沙唔係普通貨色，雞翼中間肉汁豐富。好有創意既飯糰和撈丁，滿滿芝士香，入口好惹味架！