Kirugisu (Closed)

今日同朋友去咗多味吉到食串燒🤤🤤🤤平時除咗放題之外都好少食，估唔到咁都比我地搵到一間串燒小店💕今次我想推介俾大家嘅原因係大件夾抵食。全部串燒都又大份又平。差唔多只係$10一串，每串都平出面少少㗎！正呀可以試多幾串新野😍

我哋點左都唔同既串燒同炸物，首先推介嘅係吉列廣島蠔💕28蚊有4隻，都大大隻架，掋食！因為串燒可以自己揀調味，有孜然，麻辣，沙嗲比你仼揀。所以我咩都揀幾串啦！燒茄子同燒娃娃菜好好食，有小小辣味又唔會太辣，岩我啲唔太食得辣既人阿。

佢哋雞軟骨同埋燒雞皮都燒得啱啱好，脆脆地咁😎司華力腸又係睇相已經見到有幾大條🤤🤤超級滿足呀唔該

最特別嘅就係佢嘅特大雞髀，初時我唔知有咁大隻，所以點左勁多野。最後雞髀上菜嘅時候，真係超驚訝。所以絕對係可以兩個人share黎食，因為真係超大隻呀！！

多味吉真係超正啊💕老闆娘仲私人請咗我哋食燒蒜蓉腸仔😛今次同朋友真係滿載而歸！