Video
Read full review
2019-06-04
1363 views
尋晚因爲有野做，所以只係食左燒賣填肚，今晚有時間要對自己好d, 都係食燒，係串燒。依間串燒款式多，又好味，我都揀左d比較特別或者好食既😁：玉子燒配芝士蟹籽 玉子燒上加左芝士再燒，再加蟹籽，三重味覺享受。甜甜玉子加上芝士香，仲有脆口蟹籽，おいしい。香辣脆皮豬大腸好肥美呀！燒完一點都唔乾！豬大腸既特有香味道，加左辣，好惹味但又無「壓味」，正呀！鹽燒鴕鳥肉人地話鴕鳥肉味道同牛肉差不多，但就健康好多。肉質嫩，燒得外面脆，裡面又唔乾。洒上佢既調味粉，仲惹味，佢既調味粉有辣粉、孜然粉同黑椒粉。黃金炸雞熱辣辣、脆卜卜，嫩嫩肉，香香咸蛋味。做得非常好👍🏻黃金墨魚咀滿滿既咸蛋汁醬包圍著咸蛋粒。好香濃既咸蛋味呀，而且好似食到咸蛋微微微粒，所以咸蛋味道咁濃郁。加上墨魚咀超彈牙，依個配搭勁呀！蒜蓉燒原條茄子講賣相，佢贏晒。如果鐘意食蒜蓉既依個一定滿足到你，滿滿既生蒜蓉、炸蒜粒舖滿茄子上。茄子肉吸收晒蒜蓉既香，蒜蓉迷你一定知既～惹味川式燒蓮藕 咬一口，好熟識既孜粉味再加點甜甜地，又脆又爽，最岩連同炸雞同燒肉食，清新下。汁燒秋葵燒香左既秋葵，外面甜甜地，內面仲有秋葵既黏黏，Yummy ~熱柚子蜜姥姥我老勒，食咁多
依間串燒款式多，又好味，我都揀左d比較特別或者好食既😁：
玉子燒配芝士蟹籽
玉子燒上加左芝士再燒，再加蟹籽，三重味覺享受。
甜甜玉子加上芝士香，仲有脆口蟹籽，おいしい。
香辣脆皮豬大腸
好肥美呀！燒完一點都唔乾！
豬大腸既特有香味道，加左辣，好惹味但又無「壓味」，正呀！
鹽燒鴕鳥肉
人地話鴕鳥肉味道同牛肉差不多，但就健康好多。
肉質嫩，燒得外面脆，裡面又唔乾。
洒上佢既調味粉，仲惹味，佢既調味粉有辣粉、孜然粉同黑椒粉。
黃金炸雞
熱辣辣、脆卜卜，嫩嫩肉，香香咸蛋味。
做得非常好👍🏻
黃金墨魚咀
滿滿既咸蛋汁醬包圍著咸蛋粒。
好香濃既咸蛋味呀，而且好似食到咸蛋微微微粒，所以咸蛋味道咁濃郁。
加上墨魚咀超彈牙，依個配搭勁呀！
蒜蓉燒原條茄子
講賣相，佢贏晒。
如果鐘意食蒜蓉既依個一定滿足到你，滿滿既生蒜蓉、炸蒜粒舖滿茄子上。
茄子肉吸收晒蒜蓉既香，蒜蓉迷你一定知既～
惹味川式燒蓮藕
咬一口，好熟識既孜粉味再加點甜甜地，又脆又爽，最岩連同炸雞同燒肉食，清新下。
汁燒秋葵
燒香左既秋葵，外面甜甜地，內面仲有秋葵既黏黏，Yummy ~
熱柚子蜜
姥姥我老勒，食咁多燒物，想飲返杯潤既野。
佢依度有熱既柚子蜜，好岩姥姥我🤣
Asahi 生啤原本$68杯，9點半後做 特價$88 2杯，咁抵，鐘意飲酒既老公又點會錯過～
Post
