一喜燒 (Closed)

雖然店唔大，但座位都寬敞，而且通風好好，唔會食完成身燒烤味！點咗新疆羊肉串、豬大腸串、豬腩肉串⋯⋯都幾香，肉汁鮮嫩，唔會好乾😋燒苕皮都幾特別，餡料豐富有木耳、酸豆角、醃蘿蔔、芫茜，辣辣地幾惹味。蒜香生燒活元貝，幾大隻、肥美鮮美，好好食！汁燒魷魚酥，柔韌剛好，仲保留了魷魚的濃汁鮮味～燒菠蘿，清甜多汁，正😋每次燒烤必點燒茄子，軟糯拉絲，蒜香味濃。世一燒羊鞍，香草味、肉質鮮味，唔會羶，燒得啱啱好～甜點就試埋爆珠紅糖冰粉，有冰粉、山楂、爆珠、桂花糖、提子乾、紅糖，都幾豐富！