申、居酒屋 (Closed)

環境5分：新大廈入面嘅新潮日式居酒屋，門口公仔擺設好得意，中間有吧位可以對住師傅睇住佢煮野食，側邊有散枱，可以畀五分。衛生5分：廚房同廁所都好乾淨，衛生可以畀五分。服務5分：樓面服務員快手快腳，仲不停加茶，畀佢滿分。味道5分：1)      Ｄ串燒同串炸全部都係集埋拼盤咁上，免治雞肉棒又嫩又脆，個橙色嘅蛋黃先正，好滑好香好甜，呢個真係一定要食。2)      串燒雞腎好爽脆。3)      串燒豆腐原來切好曬，燒到外脆內軟，加埋上面Ｄ汁非常惹味。4)      生燒鰻魚一串有四塊，全部都冇骨，Ｄ皮燒得好脆，Ｄ肉好鮮甜。5)      串燒雞中翼一串有兩隻，雞翼非常肥美，燒得非常香，又唔會太乾身。Ｄ串炸係有個特別汁跟埋另上，好香好嘢味。6)      串炸明太子雞翼一隻連翼尖，雞皮好脆好香，入面Ｄ明太子超多，好食。7)      串炸冬菇好厚肉。8)      串炸忌廉蟹餅D忌廉非常香口同creamy，食到蟹肉味。9)      串炸沙椎魚啖啖都係魚肉。10)  串炸牛骨髓長長的，食落煙煙韌韌好特別。11)  串炸炸蛋係流心嘅，中間D蛋黃流曬出嚟，非常吸引。抵食5分：日式串燒同串炸好多款