鮮‧港式串燒吧 (Moved) New Location

冬天就係好想食串燒😂結果左㨂右㨂，最後去咗鮮·港式串燒吧開喺工廈嘅鮮·港式串燒吧門面簡簡單單，而裡面嘅格局同裝修都比較簡潔，枱同枱之間有足夠嘅空間，就算坐滿晒人都唔會覺得迫。未食串燒前，一定要食咗個頭盤先！呢個芥茉凍花螺，質感好爽，再配合埋芥茉醬嚟食，真係好刺激，頭盤嚟講真係冇得彈。然後就到燒牛肉眼，牛肉味好濃郁，而且唔會靭，燒得啱啱好。雖然點咗好多款食物，但始終冇飯到肚硬係覺得會唔夠飽，所以就叫咗個細細哋嘅明太子飯糰。飯糰外皮燒至焦脆，再加上面的沙律醬，都幾好味！食食吓燒亞拉斯加蟹腳就上檯，蟹肉肉質好彈牙，仲帶有有海水的鮮味！燒羊架係我好期待嘅其中一道菜，羊架鮮嫩多汁，又唔會太騷，好好味，果然冇令我失望！脆卜卜雞皮，外皮燒得好香脆，一啲都唔油膩。而炸牛乳蟹肉薯餅，炸到外面好脆，入面有綿密嘅口感，牛乳蟹肉非常好味！呢個雙重芝士薄餅真係勁好味！外脆，入面有好重嘅芝士味，好正！！！最後就以燒三文魚頭作為全晚嘅總結！本來唔係咁好魚頭嘅我，都覺得呢個三文魚頭燒得好甘香，魚肉仲好滑，魚皮燒得啱啱好，脆脆地，令我對燒魚頭有新嘅體會👍🏻👍🏻三個人食到飽曬都唔使$600，真心抵！