常嚐食•深燒堂 (Closed)

見人人都食，我都叫碗深燒花甲粉，佢寫住花甲湯底，飲落都幾鮮甜，花甲份量都幾多，粒粒都大大隻，勁新鮮，可以配埋主食，我就叫咗薯粉，煙煙韌韌，幾好食，佢仲有好多配菜包括金菇菜，豆卜，娃娃菜，生菜，真係幾抵食。清爽五花腩片蘆筍串，五花腩一d都唔肥，燒到有少少脆脆地，加埋蘆筍嘅清新口感，好match。韓式照燒魷魚鬚，佢個醬汁都幾惹味，魷魚鬚唔會過火而太韌。由細袋到大燒雞肉腸，雖然雞肉腸好普通，但佢加埋d香料去燒，又幾特別。爽口燒雞腎，厚切一粒粒，所以口感非常爽，加埋d辣粉香料，送酒一流。燒風琴豆卜，第1次咁食風琴豆卜，燒到脆卜卜，好香口好好味。串燒必食燒韭菜，真係串燒必食，佢d醬汁真係好惹味，韭菜都好嫩口，完全唔韌。生燒大啡菇，咬落去好juicy,菇味香濃。慢慢燒雞全翼，隻雞翼都幾大隻，外脆內軟，咬落去d汁爆出。日式正火燒飯糰，燒到似飯焦脆卜卜，加埋外面勁多日式醬汁，好好味。