串王之王 - 正宗成都串串火鍋 (Closed)

一般嘅火鍋開始已經唔夠滿足我哋。 今次就特登黎試下呢個串串火鍋，睇下有咩特別。一坐低店員就派發圍裙， 都算係店舖一個幾細心嘅做法。湯底方面都幾多選擇，最後揀咗鴛鴦湯底，分別有藥膳同蕃茄湯底。藥膳湯底都幾濃味，一放低已經聞到好強嘅藥材味。火鍋套餐有餐前小食送，分别揀左串王酥肉同埋 煉奶糍粑。講明成都火鍋， 就當然有啲比較特別嘅肉串，例如五花腩片、郡肝、金菇牛肉、芹菜牛肉、韭菜花牛肉等。聽落好似好多款牛肉，但每款牛肉包住唔同嘅菜，原來食落嘅味道都有好大分別，各有風味。除咗肉類，蔬菜嘅種類都幾多，例如有秋葵、粟米、海帶、木耳、豆卜、南瓜、冬菇等等。各款飲品都有提供。火鍋當然唔少得醬料，呢度除咗提供各款醬料，仲有醬料調配教學。左起分別係魚柳、海帶、香蔥牛肉、豬腩肉、午餐肉同豬頸肉。就咁將所有串燒放曬落湯底度，等水滾就有得食，非常方便。除咗串燒之外，店舖亦都有提供一般火鍋配料，例如有各款餃子、蟹柳、魚蛋、魷魚、鴨血等等。火鍋當然唔可以冇海鮮，除咗有蝦，亦都有青口 、帶子、墨魚仔等。